ब्रेकिंग

आमदार आशुतोष काळे यांच्या वाढदिवसानिमित्त गौतम पब्लिक स्कूलमध्ये भव्य क्रीडा महोत्सव उत्साहात संपन्न

आमदार आशुतोष काळे यांच्या वाढदिवसानिमित्त गौतम पब्लिक स्कूलमध्ये भव्य क्रीडा महोत्सव उत्साहात संपन्न

कोपरगाव वार्ताहर :- कोपरगाव तालुक्याचे कार्यकुशल आमदार आशुतोष काळे यांच्या वाढदिवसानिमित्त गौतम पब्लिक स्कूल, गौतमनगर येथे भव्य क्रीडा महोत्सवाचे आयोजन करण्यात आले. संस्थेच्या सचिव मा.सौ.चैतालीताई काळे यांच्या मार्गदर्शनाखाली गेल्या तीन वर्षांपासून हा क्रीडा महोत्सव सातत्याने आयोजित केला जात असून, इतर शाळेतील विद्यार्थ्यांना गौतम पब्लिक स्कूलच्या प्रशस्त क्रीडांगणाचा लाभ घेता यावा व त्यांच्या क्रीडा कौशल्याला वाव मिळावा हा या उपक्रमामागील प्रमुख उद्देश आहे.

ज्योती पतसंस्था

या क्रीडा महोत्सवामध्ये सहभागी झालेल्या क्रिकेट, हॉकी, फुटबॉल व व्हॉलीबॉल या खेळांच्या स्पर्धा घेण्यात आल्या. सहभागी विद्यार्थ्यांना संस्थेच्या सचिव सौ.चैतालीताई काळे यांच्या मार्गदर्शनाखाली सर्व सुविधा उपलब्ध करून देण्यात आल्या होत्या. या स्पर्धेत  नाशिक, निफाड, छत्रपती संभाजीनगर, कोपरगाव, मालेगाव,राहाता, श्रीरामपूर आदी शाळेतील विविध शाळांचे खेळाडू मोठ्या संख्येने सहभागी झाले होते.या क्रीडा महोत्सवाच्या उद्घाटनासाठी कर्मवीर शंकरराव काळे एज्युकेशन सोसायटीचे निरीक्षक नारायणराव बारे प्रमुख पाहुणे म्हणून उपस्थित होते. त्यांच्या हस्ते स्पर्धांचे उद्घाटन करण्यात आले. यावेळी विद्यार्थ्यांना मार्गदर्शन करतांना त्यांनी खेळाचे जीवनातील महत्त्व अधोरेखित केले. नियमित खेळ, पौष्टिक व संतुलित आहार यामुळे शारीरिक आरोग्य सुदृढ राहते तसेच मानसिक संतुलन व आत्मविश्वास वाढण्यास मदत होत असल्याचे त्यांनी सांगितले.

शाळेच्या विविध क्रीडांगणांवर हॉकी, फुटबॉल, क्रिकेट व व्हॉलीबॉलचे सामने अतिशय रंगतदार झाले. हे सामने पाहण्यासाठी विद्यार्थी, पालक तसेच परिसरातील नागरिकांनी मोठ्या संख्येने उपस्थिती लावली. सर्व स्पर्धा खेळीमेळीच्या वातावरणात व उत्साहपूर्ण पद्धतीने संपन्न झाल्या. या स्पर्धेत हॉकी विजेता गौतम पब्लिक स्कूल, उप विजेता बीपी पाटील ज्युनिअर कॉलेज ऑफ सायन्स निफाड, फुटबॉल-विजेता गौतम पब्लिक स्कूल, उपविजेता समता इंटरनॅशनल स्कूल, कोपरगाव व्हॉलीबॉल मुली विजेता गौतम पब्लिक स्कूल,उपविजेता राधाबाई काळे कन्या विद्या मंदिर कोळपेवाडी, क्रिकेट विजेता गौतम पब्लिक स्कूल, उप विजेता साई क्रिकेट अकॅडमी श्रीरामपूर या संघांनी बाजी मारली.स्पर्धेतील विजेत्या व उपविजेत्या संघांना शाळेचे प्राचार्य नूर शेख यांच्या हस्ते पारितोषिके प्रदान करण्यात आली. कार्यक्रमाचे सूत्रसंचालन मराठी विषयाच्या शिक्षिका सौ.सुरेखा जाधव यांनी केले, तर आभार प्रदर्शन क्रीडा विभाग प्रमुख रमेश पटारे यांनी केले.हा क्रीडा महोत्सव यशस्वी करण्यासाठी प्राचार्य नूर शेख यांच्या मार्गदर्शनाखाली क्रीडा संचालक रमेश पठारे, इसाक सय्यद, राजेंद्र आढाव, महेश गोंडे यांनी विशेष परिश्रम घेतले. तसेच सर्व हाऊस मास्टर्स, शिक्षक व शिक्षकेतर कर्मचाऱ्यांनी मोलाचे सहकार्य केले.

बातमी शेअर करणायसाठी येथे क्लिक करा

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे