ब्रेकिंग

आमदार आशुतोषदादा काळेंच्या विशेष प्रयत्नातून विद्यार्थिनींसाठी नपावाडी ते शिर्डी विशेष बससेवा सुरु  

आमदार आशुतोषदादा काळेंच्या विशेष प्रयत्नातून विद्यार्थिनींसाठी नपावाडी ते शिर्डी विशेष बससेवा सुरु  

कोपरगाव वार्ताहर-ग्रामीण भागातील विद्यार्थिनींना सुरक्षित नियमित आणि वेळेत शाळेत पोहोचता यावे या उद्देशाने आमदार आशुतोष काळे यांच्या विशेष प्रयत्नातून आणि अशोक धनवटे यांच्या सातत्यपूर्ण पाठपुराव्यामुळे नपावाडी ते साईबाबा कन्या विद्यालय, शिर्डी या मार्गावर विद्यार्थिनींसाठी विशेष एसटी बससेवा सुरू करण्यात आली आहे. या बससेवेचा शुभारंभ शुक्रवार (दि.१०) रोजी स्थानिक सामाजिक कार्यकर्ते सुभाष वहाडणे यांच्या शुभहस्ते नारळ फोडून करण्यात आला. यावेळी उपस्थितांच्या वतीने एसटी चालक वाहक यांचा सत्कार करून बसला हिरवा झेंडा दाखवून मार्गस्थ करण्यात आले.

नपावाडीसह आसपासच्या गावांमधून अनेक विद्यार्थिनी दररोज शिक्षणासाठी शिर्डी येथील साईबाबा कन्या विद्यालयामध्ये जाण्या-येण्यासाठी त्यांना अडचणींचा सामना करावा लागत होता. हि बाब पालकांनी आमदार आशुतोष काळे यांच्या निदर्शनास आणून दिली असता आमदार आशुतोष काळे यांनी तात्काळ दखल घेत पालकमंत्री ना. राधाकृष्ण विखे पाटील यांच्याशी चर्चा करून परिवहन मंडळाच्या वरिष्ठ अधिकाऱ्यांना विद्यार्थिनींसाठी स्वतंत्र व वेळेवर बस सुरू करण्याचे निर्देश दिले. यासाठी अशोक धनवटे यांनी सातत्याने एसटी महामंडळ कडे पाठपुरावा केला होता.

 

विद्यार्थिनींसाठी बससेवा सुरू व्हावी यासाठी अशोकराव धनवटे यांच्यासह बाबासाहेब उगले, ज्ञानदेव वहाडणे, राजूनाना धनवटे, दादापाटील धनवटे, मधुकर धनवटे, प्रताप धनवटे, दादापाटील उगले, नवनाथ उगले, नवनाथ धनवटे, रामनाथ वहाडणे, संभाजी वहाडणे, मधुकर वहाडणे, पोपट थोरात, पोपट धनवटे, संदीप वहाडणे, सतीश उगले, सीताराम धनवटे, महेश वहाडणे, धनंजय उगले, किरण उगले, सचिन उगले, बाळासाहेब धनवटे, दगडू धनवटे, विठ्ठल धनवटे, निलेश वहाडणे, संतोष धनवटे आणि रोहिदास यांनी विशेष प्रयत्न केले असून कोपरगाव आगारप्रमुख महेश बनकर, बसचे चालक बी. एम. गर्जे, वाहक एस. एम. थोरात यांच्यासह साईबाबा कन्या विद्यालयाच्या मुख्याध्यापिका श्रीमती जहाँ आरा मिरजकर आणि शिक्षक सुजय बाबर यांचे विशेष सहकार्य लाभले.विद्यार्थिनींच्या उच्च शिक्षणाला बळ देऊन त्यांच्या प्रवासाची चिंता दूर केल्या बद्दल पालक आणि नागरिकांनी पालकमंत्री ना. राधाकृष्ण विखे पाटील, आ. आशुतोष काळे, माजी खा. डॉ. सुजयदादा विखे पाटील व अशोक धनवटे यांचे आभार मानले आहेत.

 

संपादक रवींद्र जगताप,कोपरगाव

सत्य एक्सप्रेस न्युजच्या व्हाँटसाँप ग्रुपवर सहभागी होण्यासाठी खालील लिंक दाबा

https://chat.whatsapp.com/LKQzgSRnpEmErDjaBKTgct

बातमी शेअर करणायसाठी येथे क्लिक करा

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे