ब्रेकिंग

रेणुकाताई विवेकभैय्या कोल्हे यांच्या वाढदिवसानिमित्त गरजू बांधवांना उबदार ब्लॅंकेटचे वाटप

रेणुकाताई विवेकभैय्या कोल्हे यांच्या वाढदिवसानिमित्त गरजू बांधवांना उबदार ब्लॅंकेटचे वाटप
संजीवनी स्वयंसहाय्यता बचत गटाच्या अध्यक्षा सौ. रेणुकाताई विवेकभैय्या कोल्हे यांच्या वाढदिवसानिमित्त सामाजिक बांधिलकी जपत शहरातील निर्धन, निराधार व गरजू बांधवांना उबदार ब्लॅंकेटचे वाटप करण्यात आले. वाढदिवसाचा आनंद समाजातील वंचित घटकांसोबत साजरा करण्याच्या या उपक्रमामुळे अनेक गरजूंना थंडीपासून संरक्षण मिळण्यास मदत झाली.
यावेळी उपस्थित मान्यवरांनी वाढदिवस हा केवळ शुभेच्छा स्वीकारण्याचा दिवस नसून समाजाप्रती आपली जबाबदारी पार पाडण्याची संधी असल्याचे सांगितले. गरजूंच्या चेहऱ्यावर आनंद फुलविणे आणि त्यांना आवश्यक मदतीचा हात देणे हीच खरी वाढदिवसाची भेट असल्याची भावना उपस्थितांनी व्यक्त केली.
ज्योती पतसंस्था
सौ. रेणुकाताई विवेकभैय्या कोल्हे या विविध सामाजिक उपक्रमांद्वारे महिला सक्षमीकरण, गरजूंना मदत तसेच समाजोपयोगी कार्यात सातत्याने सक्रिय असतात. त्यांच्या वाढदिवसानिमित्त आयोजित करण्यात आलेल्या या उपक्रमाला नागरिकांनीही उत्स्फूर्त प्रतिसाद दिला. अनेक गरजू नागरिकांनी या मदतीबद्दल कृतज्ञता व्यक्त करत आयोजकांचे आभार मानले.या प्रसंगी प्रदीप नवले, विजय गायकवाड, दिपक जपे, सचिन त्रिभुवन, रोशन शेजवळ, संतोष शेजवळ, विजुभाऊ आढाव, नाना भुजबळ, कैलास सोमासे, चेतन आगळे, श्याम शेवते, राहुल खरात, भीमराव गंगावणे, बाळू पठाडे, किरण ससाने आदींसह पदाधिकारी व कार्यकर्ते मोठ्या संख्येने उपस्थित होते.सामाजिक संवेदनशीलता जपणारे असे उपक्रम समाजात माणुसकीचे नाते अधिक दृढ करण्यास मदत करतात. भविष्यातही गरजू, निराधार आणि वंचित घटकांच्या सेवेसाठी अशाच समाजोपयोगी उपक्रमांचे आयोजन सातत्याने करण्यात येणार असल्याची भावना यावेळी व्यक्त करण्यात आली.

 

बातमी शेअर करणायसाठी येथे क्लिक करा

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे