ब्रेकिंग

०८ ऑगस्टपूर्वी मतदार नोंदणी प्रक्रिया पूर्ण करा; नागरिकांनी प्रशासनाला सहकार्य करावे – आमदार विवेक कोल्हे

०८ ऑगस्टपूर्वी मतदार नोंदणी प्रक्रिया पूर्ण करा; नागरिकांनी प्रशासनाला सहकार्य करावे – आमदार विवेक कोल्हे
 भारत निवडणूक आयोगाच्या विशेष सखोल मतदार यादी पुनरीक्षण (Special Intensive Revision – SIR) मोहिमेअंतर्गत कोपरगाव मतदारसंघातील प्रत्येक पात्र मतदाराने ०८ ऑगस्ट २०२६ पूर्वी आपला एन्यूमरेशन फॉर्म भरून आवश्यक कागदपत्रे सादर करावीत, असे आवाहन आमदार विवेक कोल्हे यांनी केले आहे.
ज्योती पतसंस्था
मतदार यादी ही लोकशाहीचा मूलभूत आधार असून प्रत्येक पात्र नागरिकाचे नाव अचूकपणे मतदार यादीत असणे अत्यंत आवश्यक आहे. या विशेष मोहिमेद्वारे मतदार यादीतील नाव, पत्ता, छायाचित्र तसेच इतर तपशीलांची पडताळणी केली जात आहे. त्यामुळे नागरिकांनी आपल्या बूथ लेव्हल ऑफिसर (BLO) यांना आवश्यक सहकार्य करून एन्यूमरेशन फॉर्म वेळेत भरावा आणि आवश्यक कागदपत्रे सादर करावीत, असेही आमदार कोल्हे यांनी नमूद केले.
अनेकदा अपूर्ण माहिती, चुकीचा पत्ता किंवा आवश्यक कागदपत्रांच्या अभावामुळे मतदारांना मतदानाच्या दिवशी अडचणी निर्माण होतात. अशा समस्या टाळण्यासाठी प्रत्येक मतदाराने स्वतःच्या नावाची, छायाचित्राची आणि इतर सर्व माहितीची खात्री करून घ्यावी. जर कोणतीही त्रुटी आढळून आली तर ती तातडीने दुरुस्त करण्यासाठी प्रशासनाशी संपर्क साधावा.आमदार विवेक कोल्हे यांनी नागरिकांना प्रशासनाच्या या महत्त्वपूर्ण उपक्रमात सक्रिय सहभाग नोंदविण्याचे आवाहन करताना सांगितले की, मतदानाचा हक्क हा प्रत्येक नागरिकाचा घटनात्मक अधिकार आहे. हा अधिकार सुरक्षित ठेवण्यासाठी मतदार नोंदणीची प्रक्रिया वेळेत पूर्ण करणे आवश्यक आहे. नागरिकांनी प्रशासनाला पूर्ण सहकार्य करावे आणि ०८ ऑगस्ट २०२६ पूर्वी सर्व प्रक्रिया पूर्ण करून घ्यावी.तसेच प्रत्येक नागरिकाने ही माहिती आपल्या कुटुंबीय, नातेवाईक, शेजारी आणि इतर पात्र मतदारांपर्यंत पोहोचवून त्यांनाही वेळेत एन्यूमरेशन फॉर्म भरून आवश्यक कागदपत्रे सादर करण्यासाठी प्रोत्साहित करावे, असे आवाहनही आमदार विवेक कोल्हे यांनी केले आहे.
बातमी शेअर करणायसाठी येथे क्लिक करा

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे