ब्रेकिंग

स्वच्छ महाराष्ट्र अभियानांतर्गत ४० लाखांचा निधी मंजूर नगराध्यक्ष पराग संधान यांची माहिती

स्वच्छ महाराष्ट्र अभियानांतर्गत ४० लाखांचा निधी मंजूर नगराध्यक्ष पराग संधान यांची माहिती
कोपरगाव नगरपरिषदेला नवीन ६५ सीट्सच्या मुतारी सुविधा उपलब्ध होणार : पराग संधान
कोपरगाव : शहरातील स्वच्छता व्यवस्था अधिक सक्षम करण्याबरोबरच नागरिकांना सार्वजनिक ठिकाणी स्वच्छ व आवश्यक सुविधा उपलब्ध करून देण्याच्या दृष्टीने कोपरगाव नगरपरिषदेला महत्त्वपूर्ण मान्यता मिळाली आहे. स्वच्छ महाराष्ट्र अभियान (नागरी) २.० अंतर्गत कोपरगाव नगरपरिषदेच्या नवीन ६५ सीट्सच्या मुतारी उभारणीच्या आराखड्यास शासनाची मान्यता मिळाली असून, त्यासाठी एकूण ४० लाख ४९ हजार रुपयांचा निधी उपलब्ध होणार आहे, अशी माहिती नगराध्यक्ष पराग संधान यांनी दिली.
या मंजूर आराखड्यानुसार शहरात यापूर्वी १५० सीट्सचे शौचालय मंजूर आहेत.आता  ६५ सीट्सची मुतारी सुविधा उपलब्ध होणार आहे. त्यामुळे नागरिकांना बाजारपेठ, गर्दीची ठिकाणे आणि सार्वजनिक वापराच्या परिसरात स्वच्छतागृहाची सुविधा उपलब्ध होण्यास मदत होणार आहे.आ. विवेकभैय्या कोल्हे यांच्या मार्गदर्शनाखाली निवडणूक काळात नागरिकांना विश्वासनामाच्या माध्यमातून दिलेल्या शब्दाच्या पूर्ततेकडे नगराध्यक्ष पराग संधान यांनी टाकलेले हे पाऊल अतिशय महत्त्वाचे ठरणार आहे.
स्वच्छता ही केवळ शहराच्या सौंदर्याची बाब नसून नागरिकांच्या आरोग्याशी थेट संबंधित आहे. त्यामुळे कोपरगाव शहरात सार्वजनिक स्वच्छतागृहांची संख्या वाढविणे, नागरिकांना स्वच्छ व सुरक्षित सुविधा देणे आणि स्वच्छतेचा दर्जा उंचावणे याला नगरपरिषदेकडून प्राधान्य दिले जात आहे.संबंधित कामासाठी उपलब्ध निधीचा योग्य आणि पारदर्शक वापर करण्याची दक्षता घेतली जाणार आहे. काम पूर्ण झाल्यानंतर उपयोगिता प्रमाणपत्र व भौतिक-आर्थिक प्रगतीच्या आधारे पुढील निधी उपलब्ध होणार आहे.कोपरगाव शहर स्वच्छ, सुंदर आणि नागरिकांसाठी अधिक सुविधायुक्त करण्याच्या दिशेने हा महत्त्वपूर्ण टप्पा असून, आगामी काळातही शहरातील मूलभूत नागरी सुविधांच्या विकासासाठी सातत्याने प्रयत्न केले जातील, असे नगराध्यक्ष पराग संधान यांनी सांगितले.
बातमी शेअर करणायसाठी येथे क्लिक करा

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे