ब्रेकिंग

सिंहस्थ कुंभमेळ्याच्या पार्श्वभूमीवर कोपरगाव मतदारसंघातील रस्ते, घाट व सुशोभीकरणासाठी निधी द्या:- आमदार आशुतोष काळेंची मंत्री ना. गिरीश महाजन यांच्याकडे मागणी

सिंहस्थ कुंभमेळ्याच्या पार्श्वभूमीवर कोपरगाव मतदारसंघातील रस्ते, घाट व सुशोभीकरणासाठी निधी द्या:- आमदार आशुतोष काळेंची मंत्री ना. गिरीश महाजन यांच्याकडे मागणी

कोपरगाव वार्ताहर-  आ. आशुतोष काळे यांनी राज्याचे जलसंपदा, आपत्ती व्यवस्थापन, कुंभमेळा तथा नाशिक जिल्ह्याचे पालकमंत्री ना. गिरीशजी महाजन यांची नाशिक येथे भेट घेऊन आगामी सिंहस्थ कुंभमेळ्याच्या पार्श्वभूमीवर कोपरगाव विधानसभा मतदारसंघातील गोदावरी नदीवरील घाट बांधणे, रस्ते सुधारणे, विद्युत रोषणाई आणि परिसर सुशोभीकरणासाठी निधी द्या अशी मागणी लेखी निवेदनाद्वारे केली आहे.

दिलेल्या निवेदनात आमदार आशुतोष काळे यांनी असे म्हटले आहे की, कोपरगाव तालुक्याला ऐतिहासिक व पौराणिक वारसा आहे. त्यामुळे सिंहस्थ कुंभमेळ्याच्या काळात देशभरातून कोपरगावात येणाऱ्या साधू, संत आणि लाखो भाविकांना उत्तम सुविधा मिळाव्या यासाठी रस्ते व गोदावरील घाटांचा विकास होणे अत्यंत गरजेचे आहे. यामध्ये राज्य मार्ग ६५ वरील रांजणगाव देशमुख ते झगडे फाटा व पढेगाव ते उक्कडगाव रस्ता व राज्य मार्ग ७ वरील कोळगाव पाटी ते देर्डे फाटा एनएच १६० पर्यंतचा रस्ता ह्या रस्त्यांची सुधारणा करण्यासाठी निधी द्यावा.

याचबरोबर जलसंपदा विभागाअंतर्गत गोदावरी नदीच्या तीरावर विविध ठिकाणी घाट बांधणी व परिसर सुशोभीकरणाची कामे करणे अत्यंत गरजेचे आहे. यामध्ये गोदावरी नदीवर चासनळी, मोर्वीस आणि कोकमठाण येथे घाट बांधण्यासाठी व कुंभारी, कोपरगाव बेट आणि संवत्सर घाट विकसित करून, घाट परिसरात रस्ते, विद्युत रोषणाई व परिसर सुशोभीकरण करण्यासाठी निधी उपलब्ध करून देण्याची मागणी दिलेल्या निवेदनात केली आहे.तसेच याप्रसंगी आमदार आशुतोष काळे यांनी राज्याचे जलसंपदा तथा आपत्ती व्यवस्थापन, कुंभमेळा मंत्री ना. गिरीशजी महाजन यांची नाशिक जिल्ह्याच्या पालकमंत्रीपदी निवड झाल्याबद्दल सत्कार करुन शुभेच्छा दिल्या. यावेळी मंत्री ना. गिरीशजी महाजन यांनी निवेदनाची दखल घेऊन तातडीने कारवाई केली जाईल असा सकारात्मक प्रतिसाद दिला असल्याची माहिती आ. आशुतोष काळे यांनी दिली आहे.

बातमी शेअर करणायसाठी येथे क्लिक करा

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे