मी अनुभवलेले साहेब  (उमेश एकनाथ धुमाळ, धारणगांव रोड, कोपरगांव)

माजीमंत्री स्व. शंकरराव कोल्हे हे जनसामान्यांच्या प्रश्नांवर अत्यंत तळमळीने काम करायचे. माझे वडील स्व. एकनाथ ग्यानबा धुमाळ यांच्यामुळे माझा व कोल्हे साहेबांचा परिचय झाला. त्यांच्या कुशलतेवर मी प्रभावीत झालो. कोपरगांव शहरातील धारणगांव रोडवरील खुलेनाटयगृहाशेजारी असलेल्या टपरीधारकांच्या पुर्नवसनाबाबतचा पाठपुरावा माझे वडील स्व. एकनाथ ग्यानबा धुमाळ यांनी वहाबभाई मस्जीद कुरेशी यांना सोबत घेवुन माजीमंत्री शंकरराव कोल्हे यांच्या मार्फत धसास लावला. याकामी १४ वर्षे पाठपुरावा करावा लागला. सरकारी खाक्यातील उत्तरे स्व. शंकरराव कोल्हे यांनी प्रशासनांस बदलायला भाग पाडली. त्यांच्यामुळेच लोकशाहिर अण्णाभाउ साठे खुले नाटयगृहातील महात्मा गांधी शॉपिंग सेंटरमध्ये सतरा टपरीधारकांचे पुर्नवसन झाले. पाठपुरावा केला तर यश हमखास मिळते आणि आम्हां सर्व व्यावसायिकांची उपजिवीका आज सुरळीत सुरू आहे. बिपीनदादा कोल्हे हे देखील शहरातील विस्थापीत टपरीधारकांच्या पुर्नवसनासाठी जीव तोडुन काम करतात. माजीमंत्री स्व. शंकरराव कोल्हे हे लाखाचे पोशिंदे आहेत त्यांच्या ऋणांत राहुन विनम्र अभिवादन.