महिलांना एसटी बस प्रवासात ५० टक्के सवलत; कोपरगावात स्नेहलताताई कोल्हे यांनी महिलांसोबत साजरा केला आनंदोत्सव

कोपरगाव : शिंदे-फडणवीस सरकारने महिलांना एसटी बस प्रवासात सरसकट ५० टक्क्यांची सूट देण्याचा ऐतिहासिक व क्रांतिकारी निर्णय घेतला असून, या निर्णयाची अंमलबजावणी‎देखील सुरू झाली आहे. भाजपच्या प्रदेश सचिव आणि माजी आमदार स्नेहलताताई कोल्हे यांनी सरकारच्या या निर्णयाचे स्वागत करून आज कोपरगाव बसस्थानकावर महिलांसोबत आनंदोत्सव साजरा केला. स्वत: स्नेहलताताई कोल्हे यांनी ५० टक्के सवलतीच्या दरात कोपरगाव-संगमनेर एसटी बसमधून इतर प्रवाशांसोबत प्रवास केला.

उपमुख्यमंत्री तथा अर्थमंत्री देवेंद्र फडणवीस यांनी ९ मार्च रोजी राज्याचा सन २०२३-२४ चा अर्थसंकल्प सादर केला. या अर्थसंकल्पात त्यांनी महिलांना एसटीच्या सर्व प्रकारच्या बसेसच्या तिकीट दरात ५० टक्के सवलत देण्याची घोषणा केली होती. फडणवीस यांनी ही घोषणा केल्यानंतर त्याची १७ मार्चपासून अंमलबजावणी‎देखील सुरू झाली आहे. शिंदे-फडणवीस सरकारने महिलांना एसटी बसच्या प्रवासभाड्यात सरसकट 50 टक्के सवलत देण्याचा निर्णय घेतल्याबद्दल सोमवारी (२० मार्च) कोपरगाव येथील एसटी बसस्थानकावर भाजपच्या प्रदेश सचिव व माजी आमदार स्नेहलताताई कोल्हे यांच्या नेतृत्वाखाली भाजप-शिवसेना (शिंदे गट) युतीच्या वतीने आनंदोत्सव साजरा करण्यात आला. नारी शक्तीचा विजय असो, शिंदे-फडणवीस सरकारचा विजय असो, ५० टक्के-एकदम ओके, भाजप-शिवसेना युती सरकारचा विजय असो, स्नेहलताताई कोल्हे आगे बढो, हम तुम्हारे साथ है अशा घोषणा यावेळी भाजप कार्यकर्त्यांनी दिल्या.राज्यातील मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या नेतृत्वातील सरकार हे जनतेचे सरकार आहे. शिंदे-फडणवीस सरकार हे वेगवान निर्णय घेणारे गतिमान सरकार आहे. एसटी महामंडळातर्फे समाजातील विविध ३० घटकांना प्रवास भाड्यात ३३ ते १०० टक्क्यांपर्यंत सवलत दिली जाते. शिंदे-फडणवीस सरकारने स्वातंत्र्याच्या अमृत महोत्सवानिमित्त राज्यातील ७५ वर्षांवरील ज्येष्ठ नागरिकांना एसटीतून मोफत प्रवासाची सुविधा दिली आहे. सध्या दररोज सरासरी ५ लाखापेक्षा जास्त ज्येष्ठ नागरिक एसटीतून मोफत प्रवास करतात. आता शिंदे-फडणवीस सरकारने अर्थसंकल्पात जाहीर केल्यानुसार महिलांना एसटी प्रवास दरात ५० टक्क्यांची सवलत लागू केली आहे. शिंदे-फडणवीस सरकारने महिलांना एसटी बस प्रवासात सरसकट ५० टक्के सवलत देण्याचा निर्णय घेऊन महिलांचा सन्मानच केला आहे. या निर्णयामुळे महिलांमध्ये उत्साहाचे वातावरण आहे, असे सांगून स्नेहलताताई कोल्हे यांनी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांचे या निर्णयाबद्दल आभार मानले. महिलांनी मोठ्या प्रमाणात या योजनेचा लाभ घ्यावा, असे आवाहनही त्यांनी यावेळी केले. याप्रसंगी स्नेहलताताई कोल्हे यांनी एसटी बसमधून प्रवास करणाऱ्या नायब तहसीलदार श्रीमती गोरे, वयोवृद्ध महिला मीनाबाई अंतराव भारूड (संवत्सर) यांच्यासह इतर महिला व मुलींना गुलाब पुष्प व पेढे देऊन त्यांच्यासोबत आनंद साजरा केला. महिलांशी संवाद साधून त्यांच्या अडचणी त्यांनी जाणून घेतल्या. यावेळी भाजप महिला मोर्चाच्या शहराध्यक्षा वैशालीताई आढाव, शिवसेना शिंदे गटाच्या महिला आघाडीच्या जिल्हाध्यक्ष विमलताई पुंडे, माजी नगरसेवक अशोकराव लकारे, विद्याताई सोनवणे, शिल्पाताई रोहमारे, विजयाताई देवकर, हर्षाताई कांबळे, नंदाताई भंडारी अनिताताई साळवे, मीनाताई भारूड, सविताताई परदेशी, सुरेखाताई आवारे भाजपचे तालुकाध्यक्ष   साहेबराव रोहम, शहराध्यक्ष दत्तात्रय काले, भाजयुमोचे तालुकाध्यक्ष विक्रम पाचोरे, शहराध्यक्ष अविनाश पाठक, विनोद राक्षे, दीपक चौधरी, भाजपचे शहर सरचिटणीस जयेश बडवे, अंबादास पाटोळे, किसनराव गव्हाळे, सिद्धांत सोनवणे, आदींसह भाजप, भाजयुमो, शिवसेना शिंदे गटाचे पदाधिकारी, कार्यकर्ते, एसटी महामंडळाचे अधिकारी, कर्मचारी व प्रवासी मोठ्या संख्येने उपस्थित होते.

या कार्यक्रमाच्या निमित्ताने कोपरगाव बसस्थानकावर आलेल्या स्नेहलताताई कोल्हे यांनी बसस्थानक परिसरातील अस्वच्छता पाहून तीव्र नाराजी व्यक्त केली. बसस्थानक परिसर स्वच्छ ठेवण्याची सूचना त्यांनी कोपरगाव आगाराचे व्यवस्थापक अविनाश गायकवाड यांना केली. कोल्हे यांनी केलेल्या या सूचनेची ताबडतोब दखल घेऊन लगेच बसस्थानक व परिसरातील केरकचरा काढून साफसफाई करण्यात आली. कोपरगाव शहरात नवीन सुसज्ज व अद्ययावत बसस्थानक बांधण्यासाठी आपण शासनाकडे पाठपुरावा करून सहा कोटी रुपयांचा निधी मंजूर करून आणला. या निधीतून कोपरगावात नवीन सुसज्ज व अद्ययावत बसस्थानक बांधले. इतर सुविधा उपलब्ध करून दिल्या. एसटी महामंडळाच्या अधिकाऱ्यांनी प्रवाशांना दर्जेदार सोयी-सुविधा उपलब्ध करून दिल्या पाहिजेत. बसस्थानक व परिसरात नियमित साफसफाई करावी, प्रवाशांसाठी असलेल्या स्वच्छतागृहाचीदेखील दररोज स्वच्छता करावी, आवश्यक त्या मार्गावर एसटी बसेस सोडून प्रवाशांची गैरसोय दूर करावी, अशा सूचना स्नेहलताताई कोल्हे यांनी आगार व्यवस्थापक अविनाश गायकवाड यांना दिल्या. यावेळी वाहतूक नियंत्रक आशिष कांबळे, मुकुंद बिडवे व एसटी महामंडळाचे अन्य अधिकारी व कर्मचारी उपस्थित होते.

शिंदे-फडणवीस सरकारने एसटी बसच्या‎ प्रवासभाड्यात महिलांना ५० टक्के‎ सवलत देण्याचा ऐतिहासिक निर्णय घेतला आहे. या निर्णयामुळे महिलांना आता अर्ध्या तिकिटात प्रवास करण्याची संधी मिळाली आहे. हा निर्णय आम्हा महिलांसाठी खूपच फायद्याचा ठरला आहे, अशा प्रतिक्रिया यावेळी महिला व विद्यार्थिनींनी व्यक्त करून शिंदे-फडणवीस सरकारचे आभार मानले. याप्रसंगी अनेक महिलांनी व विद्यार्थिनींनी स्नेहलताताई कोल्हे यांच्यासोबत सेल्फी फोटो घेऊन त्यांच्यासोबत आनंद साजरा केला. स्नेहलताताई कोल्हे यांच्यासोबत सेल्फी घेण्यासाठी झालेली महिला व मुलींची गर्दी पाहून स्नेहलताताई कोल्हे यांची क्रेझ आजही कायम असल्याचे यावेळी दिसून आले.