पालिका हददीतील समतानगर, शिंदे शिंगीनगर व महात्मा फुलेनगर येथे मद्य व्यवसायास परवाना देवु नये- शैलेश साबळे
पालिका हददीतील समतानगर, शिंदे शिंगीनगर व महात्मा फुलेनगर येथे मद्य व्यवसायास परवाना देवु नये- शैलेश साबळे
संपादक:- रविंद्र जगताप
कोपरगाव प्रतिनिधी :- कोपरगाव शहरातील पालिका हद्दीतील समतानगर, शिंगी शिंदे नगर व महात्मा फुले नगर येथे मोठया प्रमाणांत नागरी रहिवास असुन शेजारीच चर्च, कॉन्व्हेंट स्कुल असल्याने या भागात कुठल्याही मद्य व्यवसायास परवानगी देवु नये अशा आशयाचे निवेदन या भागातील रहिवासीयांनी सामुहिकरित्या मुख्याधिकारी शांताराम गोसावी यांना मंगळवारी दिले.मात्र त्या निवेदनाची दखल न घेता नागरिकांचा विरोध डावलुन मद्य व्यवसायास परवाना दिल्यास त्याबाबत समतानगर, शिंगी शिंदेनगर व महात्मा फुले नगर व परिसरातील रहिवाशांकडून जन आंदोलन करण्यात येईल असा ईशारा राष्ट्रवादी काँग्रेसचे शैलेश साबळे यांनी दिलेल्या कोपरगाव नगरपरिषदेला दिलेल्या निवेदनात दिला आहे.
या निवेदनात शैलेश साबळे यांनी पुढे म्हटले असे आहे की, पालिका हददीतील समतानगर, शिंदे शिंगीनगर व महात्मा फुले नगर येथे मोठया प्रमाणांत नागरी वस्ती असुन महाजन गोठयाजवळ नव्याने बिअर व वाईन शॉपी सुरू करण्यांबाबतचे प्रकटन काढण्यात आले आहे. त्यामुळे या भागातील रहिवाश्यांना मोठया प्रमाणात मनस्तापाला सामोरे जावे लागत आहे. या सर्व रहिवासीयांनी एकत्रीतरित्या यास सक्त विरोध दर्शवुन सुमारे अडीचशे रहिवासी मंगळवारी मुख्याधिकारी शांताराम गोसावी यांना समक्ष भेटले असून त्यांना याबाबतची सर्व वस्तुस्थिती समजावुन सांगितली व याठिकाणी कुठल्याही मद्य व्यवसायास परवानगी देवु नये म्हणून विरोध दर्शविला आहे. सदर जागेवर मद्य व्यवसायास परवानगी दिल्यास त्यातून तरूणपिढीमध्ये व्यसनाधिनता वाढुन गोर गरीब जनतेचे संसार प्रपंच उध्वस्त होणार आहे. मद्यपींचा त्रास महिला भगिनीसह शालेय विद्यार्थी-विद्यार्थीनींना मोठया प्रमाणांत जाणवणार आहे. हा संपुर्ण परिसर नागरी रहिवास वस्तीचा असुन शेजारीच चर्च, कॉन्व्हेंट स्कूल आहे. त्यावरही विपरीत परिणाम होवुन येथील शांतता धोक्यात येवुन कायदा व सुव्यवस्थेचा मोठा प्रश्न निर्माण होणार आहे. तेंव्हा नागरिकांच्या मागणीचा प्राधान्याने विचार करून सदर ठिकाणी कुठल्याही मद्य व्यवसायास परवाना देण्यांत येवु नये असेही या निवेदनात म्हटले असून या निवेदनावर समतानगर, शिंदे शिंगीनगर, महात्माफुलेनगर परिसरातील रहिवासीयांच्या असंख्य स्वाक्ष-या आहेत.
