गौतम पब्लिक स्कूलमध्ये इंटर हाऊस स्पर्धा
गौतम पब्लिक स्कूलमध्ये इंटर हाऊस स्पर्धा
संपादक:- रवींद्र जगताप
कोपरगाव प्रतिनिधी :- कर्मवीर शंकरराव काळे एज्युकेशन सोसायटी संचलित गौतम पब्लिक स्कूलमध्ये संस्थेच्या सचिव सौ. चैतालीताई काळे यांच्या संकल्पनेतून दरवर्षी इंटर हाऊस स्पर्धा आयोजित केल्या जातात. याहीवर्षी ११ सप्टेंबर रोजी हॉकी मैदानावर या स्पर्धांचा शानदार उद्घाटन सोहळा पार पडला. शाळेचे सर्व विद्यार्थी चार हाऊस मध्ये विभाजित करून १४ व १७ वर्ष वयोगटात चित्त थरारक सामने खेळवले गेले. यामध्येहॉकी, क्रिकेट,फुटबॉल, बास्केटबॉल, हॉलीबॉल या मैदानी खेळांच्या स्पर्धा तसेच बुद्धिबळ, वकृत्व,चित्रकला, क्विझ कॉम्पिटिशन आदी स्पर्धा पार पडल्या.उद्घाटन सोहळा प्राचार्य नूर शेख यांचे प्रमुख उपस्थितीत पार पडला. प्रमुख पाहुणे म्हणून युरो किड्सच्या गोवा व महाराष्ट्र च्या अकॅडेमिक ऑपरेशन मॅनेजर नेहा संघानी, युरो किड्सचे बिझनेस मॅनेजर रोहित सिंग माजी विद्यार्थी विजय जाधव, सुंदरराव काळे व रामराव साळुंके उपस्थित होते. याप्रसंगी विद्यार्थ्यांना संबोधित करताना गौतम पब्लिक स्कूल नवनवीन उपक्रम घेऊन विद्यार्थ्यांच्या कला गुणांना वाव देत असल्या बद्दल प्रमुख पाहुण्या नेहा संघानी यांनी शालेय व्यवस्थापन व प्राचार्य यांचे कौतुक केले व सर्व खेळाडू स्पर्धकांना शुभेच्छा दिल्या. ग्रीन, ऑरेंज, येलो व ब्लू वेशभूषेत आलेल्या विद्यार्थ्यांनी शिस्तबद्ध संचलन करून उपस्थितांची मने जिंकली. विविध वेशभूषेमुळे हॉकी मैदानावर सर्वत्र मनोवेधक रंगीबेरंगी दृश्य दिसत होते. उद्घाटनपर झालेल्या १४ वर्षे वयोगटातील सामन्यात येलो हाउसने ऑरेंज हाऊसचा २-० असा पराभव केला.स्पर्धां यशस्वीतेसाठी प्राचार्य नुर शेख यांच्या मार्गदर्शनाखाली क्रीडा संचालक सुधाकर निलक, रमेश पटारे, इसाक सय्यद, राजेंद्र आढाव, प्रकाश भुजबळ, उत्तम सोनवणे, नसीर पठाण आदी मेहनत घेत आहेत.
