मंत्री जयकुमार रावल यांच्या प्रमुख उपस्थितीत कोपरगावात राष्ट्रसंत तुकडोजी महाराज शेतकरी भवन भूमिपूजन व विकासकामांचे रविवारी लोकार्पण
मंत्री जयकुमार रावल यांच्या प्रमुख उपस्थितीत कोपरगावात राष्ट्रसंत तुकडोजी महाराज शेतकरी भवन भूमिपूजन व विकासकामांचे रविवारी लोकार्पण
कोपरगाव तालुक्यातील कृषी उत्पन्न बाजार समिती येथे राष्ट्रसंत तुकडोजी महाराज शेतकरी भवनाच्या भूमिपूजनाचा शुभारंभ तसेच विविध विकासकामांच्या लोकार्पण सोहळ्याचे आयोजन रविवार (दि.२९ ) मार्च २०२६ रोजी दुपारी ठीक दीड वाजता करण्यात आले आहे. हा सोहळा महाराष्ट्र राज्याचे पणनमंत्री तथा राजशिष्टाचार मंत्री मा. जयकुमार रावल यांच्या प्रमुख उपस्थितीत पार पडणार आहे.या कार्यक्रमासाठी कोपरगाव तालुक्यातील समस्त शेतकऱ्यांनी मोठ्या संख्येने उपस्थित राहावे, असे आवाहन करण्यात आले आहे.
कृषी उत्पन्न बाजार समिती, कोपरगाव येथे रविवार दि. २९ मार्च २०२६ रोजी दुपारी १.३० वाजता राष्ट्रसंत तुकडोजी महाराज शेतकरी भवनाच्या भूमिपूजनाचा शुभारंभ तसेच विविध विकासकामांच्या लोकार्पण सोहळ्याचा शुभारंभ होणार आहे. राज्याचे पणनमंत्री जयकुमार रावल यांच्या हस्ते भूमिपूजन पार पडणार असून, संजीवनी उद्योग समूहाचे अध्यक्ष बिपीनदादा कोल्हे यांच्या अध्यक्षतेखाली हा कार्यक्रम उत्साहात संपन्न होणार असून यासाठी मा.आ. स्नेहलताताई कोल्हे,युवानेते विवेकभैय्या कोल्हे,नितीनराव औताडे, नगराध्यक्ष पराग संधान यासह विविध मान्यवर उपस्थित राहणार असल्याची माहिती दिली आहे.बाजार समितीचे सभापती साहेबराव रोहोम सर्व संचालक यांनी सर्वांना निमंत्रण देऊन उपस्थित राहण्याचे आवाहन केले आहे.
या सोहळ्यास विविध क्षेत्रातील मान्यवरांची उपस्थिती लाभणार असून, कोपरगाव तालुक्यातील ग्रामीण भागातील कानाकोपऱ्यात असणाऱ्या समस्त शेतकऱ्यांनी मोठ्या संख्येने कोपरगाव कृषी उत्पन्न बाजार समिती मार्केट यार्ड या ठिकाणी उपस्थित राहून कार्यक्रमाची शोभा वाढवावी तसेच या उपक्रमाचा लाभ घ्यावा,असे आवाहन मा.आ. स्नेहलताताई कोल्हे यांनी केले आहे.
