दलित वस्तीचा निधी इतरत्र वळवून माजी आमदार कोल्हेंकडून दलितांवर अन्याय – प्रकाश दुशिंग
संपादक :- रविंद्र जगताप
कोपरगाव प्रतिनिधी :- कोपरगाव शहरातील प्रभाग क्रमांक १, ७, ८, १० व १४ मधील कोपरगाव नगरपरिषदेने सुचविलेली कामे आपल्या मर्जीतल्या ठेकेदारांना देण्यासाठी या प्रभागातील निधी माजी आमदार सौ. स्नेहलता कोल्हे यांनी इतरत्र वळवून दलितांवर अन्याय केला जात असून हा अन्याय खपवून घेतला जाणार नाही असा ईशारा राष्ट्रवादीचे प्रकाश दुशिंग यांनी दिला आहे.कोपरगाव शहरातील प्रभाग क्रमांक १, ७, ८, १० व १४ मधील नागरिकांनी नुकतेच कोपरगाव नगरपरिषदेचे मुख्याधिकारी शांतारामजी गोसावी यांना निवेदन देवून प्रभागातील दलित वस्तीचा निधी इतरत्र वळवू नये अशी मागणी केली आहे. दिलेल्या निवेदनात असे म्हटले आहे की, नगरपरिषेदेणे सुचविलेली दलित वस्तीची कामे माजी आमदार कोल्हे यांनी रद्द करून आपला राजकीय स्वार्थ साधून आपल्या मर्जीतल्या ठेकेदारांचे घर भरण्यासाठी हा निधी दुसऱ्या प्रभागात वळवून या निधीचे १० लाखाचे खडीकरणाचे काम सुचविले आहे. त्यामुळे दलित वस्तीचा निधी इतरत्र वळवून आम्हा दलितांवर माजी आमदार कोल्हे यांच्याकडून जाणीवपूर्वक अन्याय केला जात असून आमच्यावर होणारा अन्याय थांबवावा.
शासनाकडून दलित वस्तीसाठी मिळणारा निधी हा दलित वस्ती विकासासाठी खर्च न करता हा निधी इतरत्र वळविण्याचे षड्यंत्र सुरु असून कोपरगाव नगरपरिषदेने माजी आमदारांच्या दबावापुढे न झुकता ज्या प्रभागासाठी निधी मंजूर आहे त्याच प्रभागात निधी खर्च करून जिल्हाधिकारी यांच्याकडे ज्या विकासकामांचे प्रस्ताव सादर केलेले आहेत त्या कामांना २८ फेब्रुवारी २०२३ रोजीच तांत्रिक मान्यता देण्यात आलेली आहे. त्या मान्यतेनुसार जिल्हाधिकाऱ्यांकडे प्रशासकीय मंजुरीसाठी पाठविण्यात आले आहे. त्या कामांनाच मजुरी देवून आम्हा दलित समाजावर अन्याय होणार नाही याची काळजी घ्यावी असे दिलेल्या निवेदनात शेवटी म्हटले आहे.
यावेळी राष्ट्रवादी काँग्रेस पक्षाचे शहराध्यक्ष सुनील गंगूले, माजी नगरसेवक दिनकर खरे, प्रकाश दुशिंग, राजेंद्र खैरनार, संदीप कपिले, इम्तियाज अत्तार, राजेंद्र आभाळे, डॉ. दिपक पगारे, चांदभाई पठाण, शैलेश साबळे, सचिन गवारे, शिवाजी कुऱ्हाडे, रोशन शेजवळ, नितीन शेलार, अजित झोडगे, प्रशांत कोपरे, दत्तात्रय निकुंभ, सुनील मराठे, नामदेव घोडेराव, अतुल धाडीवाल, उमेश फटांगरे, चेतन दारुणकर, राज माने, शेखर व्यास, अनिकेत उपाध्ये, नामदेव उबाळे, किशोर डोखे, किरण बागुल, अतुल सोनवणे, विलास साळुंखे, बाळासाहेब जाधव, विलास पाटोळे, जगन कांबळे, बाळासाहेब गायकवाड, राजेंद्र राऊत, चंदर धोत्रे, शाहरुखई शेख, मिलिंद सरवार, योगेश जगताप आदी उपस्थित होते.
