आरोग्य व शिक्षण
नायपर परीक्षेत आर जे एस फार्मसीच्या साईश म्हस्केचे सुयश
नायपर परीक्षेत आर जे एस फार्मसीच्या साईश म्हस्केचे सुयश
कोपरगाव प्रतिनिधी- कोपरगाव : कोपरगाव तालुक्यातील पुणतांबा फाट्याजवळ असणाऱ्या राष्ट्रसंत जनार्दन स्वामी फार्मसी कॉलेज च्या शेवटच्या वर्षाचा साईश म्हस्के याने औषध निर्माण शास्रातील पदव्युत्तर अभ्यासक्रमासाठी राष्ट्रीय स्तरावर घेतल्या जाणाऱ्या NIPER – २०२४ या परीक्षेत m.tech medical device या विभागात ७५३ रँक मिळवून सुयश प्राप्त केले.हि प्रवेश परीक्षेत नॅशनल इन्स्टिट्यूट ऑफ फार्मसीस्टिकल एज्युकेशन अँड रिसर्च हैदराबाद स्वायत्ता दर्जा असलेल्या संस्थेतर्फे घेतली जाते.
NIPER ( नायपर ) हि औषधी निर्माणशास्र शाखेची देशातील अग्रगण्य संस्था असून भारत सरकारद्वारे इन्स्टिट्यूट ऑफ नॅशनल इम्पॉर्टन्स हा दर्जा प्राप्त झालेलें आहे. देशात NIPER ( नायपर ) च्या एकूण सात संस्था आहे.त्या मोहाली,हैद्राबाद,अहमदाबाद,कलकत्ता,रायबरेली,गुवाहाटी व हाजीपुर येथे स्थित आहे.औषध संशोधनामध्ये या सर्व संस्था अग्रगण्य असून त्यामध्ये प्रवेश मिळावा हे फार्मसीच्या प्रत्येक विद्यार्थ्याचे स्वप्न असते.नायपर परीक्षा उतीर्ण झालेल्या विद्यार्थ्याना मेरीट नुसार एम फार्म,एम बी ए पदव्युत्तर अभ्यासक्रमाला प्रवेश मिळतो.साईशला औषधी निर्माण शास्राची आवड असल्याने त्याने फार्मसीला प्रवेश घेतला.त्याच्या बी फार्मसीचे ४ वर्षे त्याने अत्यंत चांगल्या पद्धतीने नियमांचे पालन करून पूर्ण केले.साईशच्या यशामध्ये कॉलेजच्या सर्व प्राध्यापकांचा खूप मोठा वाटा आहे. प्राध्यापकांनी साईशला वेळोवेळी केलेल्या मार्गदर्शनामुळे त्याला हे यश प्राप्त झाले.असे त्याने आपल्या मनोगतातून व्यक्त केले. वर्षभर घेतलेल्या विशेष तासिकांचे तसेच परीक्षा अभ्यासाचे सुनियोजन यामुळे साईशला यश प्राप्त झाले.फार्मसीचे प्राचार्य डॉ.नितीन जैन यांनी सांगितले. उत्कृष्ट यश संपादन मिळवल्याबद्दल आर जे एस संस्थेचे अध्यक्ष चांगदेव कातकडे,विजय कडू,दीपक कोटमे आणि संस्थेच्या सर्व शिक्षक आणि कर्मचाऱ्यांनी यांनी त्याचे कौतुक केले.
