माजी मंत्री स्व.शंकररावजी कोल्हे साहेब यांचे संपूर्ण आयुष्य समाजासेवेसाठी होते -स्नेहलता कोल्हे

माजी मंत्री स्व.शंकररावजी कोल्हे साहेब यांच्या जयंतीनिमित्त पोहेगाव येथे सर्व रोग निदान आरोग्यशिबर संपन्न झाले.शेती, सहकार ,वीज ,पाणी,रस्ते दळणवळण,उद्योग यासह विविध प्रश्नावर माजी मंत्री स्व.शंकररावजी कोल्हे यांनी वेळोवेळी संघर्ष केला.जनतेच्या मनातील लोकनेता म्हणून ते पुढे आले ते समाजासाठी सदैव झगडले.त्यांनी निर्माण केलेले निष्ठावान कार्यकर्तेच कोल्हे कुटुंबाची संपत्ती आहे.साहेबांनी जिवाभावाची माणसे जोडली त्यांना सदैव कोल्हे कुटुंबात आदराचे स्थान राहील व कधीही अंतर पडू देणार नाही.साहेबांचा आरोग्यासाठी असणारा आग्रह सर्वांना ठाऊक आहे, निधन होण्यापूर्वी देखील साहेब कार्यरत होते,सकाळच्या सत्रात सर्व संस्थांना भेटी देऊन आरोग्यदायी फिरणे त्यांच्या नित्याची बाब होती.आपल्या दूरगामी इच्छाशक्तीच्या जोरावर त्यांनी मोठ्या आजारपणात देखील ते बरे झाले होते.साहेबांनी समाजसेवेसाठीच आपलं संपूर्ण आयुष्य दिल असल्याचे प्रतिपादन महाराष्ट्र राज्य भाजपाच्या प्रदेश सचिव माजी आ.स्नेहलताताई कोल्हे यांनी केले.

संजीवनी युवा प्रतिष्ठान व संजीवनी रूरल एज्युकेशन सोसायटीचे संजीवनी कॉलेज ऑफ आयुर्वेदा अँड हॉस्पिटल यांच्या संयुक्त विद्यमाने पोहेगांव येथे सर्व रोग निदान शिबिर संपन्न झाले.स्व.कोल्हे साहेब हे जनसामान्यांना जपणारे नेते म्हणून त्यांची ख्याती होती,राजकारण आणि समाजकारण याची अचूक सांगड घालून प्रश्न सोडविणारे खरे जननायक म्हणून कोल्हे साहेबांचे आयुष्य दीपस्तंभासारखे मार्गदर्शक आहे.यावेळी बोलताना सुमित कोल्हे म्हणाले कि माजी मंत्री शंकरराव कोल्हे यांनी समाजाच्या शेवटच्या घटकापर्यंत काम करत त्यांना न्याय दिला.ते सर्वांचे आधारस्तंभ होते त्यांच्या जाण्याने मोठी पोकळी निर्माण झाली आहे.साहेबांचे कार्य हे नेहमी लोकहिताचे होते.विविध क्षेत्रातील त्यांचे योगदान हे कायमच स्फूर्तीदायक आहे.कार्यक्रमाच्या अध्यक्षस्थानी कोल्हे कारखान्याचे माजी उपाध्यक्ष साईनाथ रोहमारे होते.यावेळी संजीवनी कॉलेज ऑफ आयुर्वेदा अँड हॉस्पिटलचे मार्गदर्शक सुमित कोल्हे,कोल्हे कारखान्याचे माजी उपाध्यक्ष अरुण येवले,शिवाजी वक्ते,दीपक गायकवाड,संचालक बाळासाहेब वक्ते,ज्ञानेश्वर होन,ज्ञानदेव औताडे ,सतीश आव्हाड, रमेश आभाळे,डी.पी.औताडे,संजय होन, केशव होन,अशोक औताडे,रमेश औताडे,आप्पासाहेब औताडे,राजेंद्र औताडे,बापूसाहेब पवार,कैलास रहाणे,भाजपा युवा तालुका अध्यक्ष विक्रम पाचोरे,बापूसाहेब औताडे,संजय औताडे,निखिल औताडे,कानिफनाथ गुंजाळ,बंडोपंत थोरात,प्रवीण घारे,पंकज जोंधळे,निरंजन गुडघे,चिलू जावळे,त्रिंबक वर्पे आबासाहेब जावळे,व्यंकटराव राऊत,शांताराम जायपत्रे,आनंदराव जावळे,साहेबराव फटांगरे,डॉ.वैभव कव्हाळे, डॉ.शीतल आष्टेकर,डॉ.मनोज बत्रा आदी सह संजीवनी कॉलेज ऑफ आयुर्वेदा अँड हॉस्पिटलचे सर्व डॉक्टर,ग्रामस्थ मोठ्या संख्येने उपस्थित होते.प्रास्ताविक विक्रम पाचोरे यांनी केले. डॉ.आर डी पवार यांनी आयुर्वेदाचे महत्त्व उपस्थितांना सांगितले.या शिबिरात अनेक रुग्णांनी आपला सहभाग नोंदवून शारीरिक तपासणी करून घेतली.सूत्रसंचालन रमेश औताडे यांनी केले तर आभार अशोक औताडे यांनी मानले.